Allerleij
Mestreech, 19 februari 2006
Leef Ingele,
Langsaam begint 't blood te koke veur die zwoer daog vaan de 
Vastelaovend. Same met uzze keersveerse prins Opa Michel Flodder I, heet de komissie-boetegeböre 't program veur die 3 daog oetgestippeld. Heijoonder zeet geer wat 't program inhelt en veer vraoge uuch daan ouch um te zörrige tot geer allemaol present zeet op de genömde tiedstippe.
Zaoterdag 25 februari:
Op deen daag welle veer uuch allemaol verzeu-ke um kloksjlaag 17.30 oor te verzamele beij kaffee Ammezasie op 't kruuspunt vaan Amie. Uzze Hoeglöstigheid heet us oetgenuudig um beij häöm toes aon te sjuive en te genete vaan e heerlik hepke en e lekker gleeske beer. Vaanoet kaffee Ammezasie vertrekke veer daan te voot en speulentere naor uzze Hoeg-löstigheid aon de Karposthegge 43 (3623853). Heer verwach us um 18.00 oor! (Dus zörreg tot geer op tied zeet !!!) In d'n tempel vaan uzze Hoeglöstigheid weurt, zoewie geer weit, de allerhoegste ondersjeiing die in 't Ingeleriek ouch mer te kriege is, oetgereik aon 'nne Ingel dee dat dik en dik verdeend heet. Roond de klok vaan 20.00 oor zalle veer aofdale naor us Ingeleriek Lummel, boeveer us program zalle vervolge en 't Kaanjelbal zalle bezeuke zoewie gepland.
Zoondag 26 februari :
Zoewie altied verwachte veer uuch, met of zoonder dikke kop, um uuterlik 11.00 oor in 't Krib-ke um gezamelik met alle vereiniginge vaan Lummel de "Braniemeeker" te heise en de Vastela-ovend greun leech te geve. Daornao zalle veer nog e pelske drinke in 't Lochmanhoes en goon daan gezamelik spek en ei ete. Hoegswaorsjeinlik zal 't spek en ei geböre plaotsvinde in kaffee 't Hiltönneke, meh dat huurt geer nog. Roond de klok vaan 13.30 oor zalle veer "en groupe" vertrekke naor Mestreech (MGM cinema in Wiek) um us op te stelle veur de groete Cortege vaan Mestreech. Geer weit: 't motto is Femilie Flodder: Zörreg dus allemaol tot geer um 11.00 oor tot in de pöntjes verkleijd zeet es Flodder en gedraag uuch ouch zoe!!!!!! Nao aoflaop vaan de Cortege is 't officieel program veur deen daag gedoon.
Maondag 27 februari:
Officieel höbbe veer niks gepland, meh geer mot wel 'nne verlofdaag aofgeve!
Dinsdag 28 februari:
Weer e nuij hoegtepunt binne de Zaaten Ingel: nl. 't Zaate Hermeniekes Konkour! E paar weke trök is 'n delegasie vaan us op de vergadering gewees, boe ouch de vollegorde vaan oettrek-ke bekind is gemaak. Uzze preses (iech dus) heet 't spits gekrege um nömmer 44 oet de koomp te hoole. Dit beteikent:
- 13.30 oor Beijein komme oppe merret Kaffee d'n Ingel (Geere neet later !!!!!!!)
- 14.39 oor: Melde Kaffee d'n Awwe Stiene aon de Mariastraot 9
- 14.54 oor: vertrek naor de volgende Kaffee
- 15.24 oor: Melde Kaffee Hallo Mestreech aon de Groete Grach 5
- 15.39 oor: vertrek riechting Vriethof
- 16.51 oor: Vriethof-presentasie (via ingaank 2) Verpliech leedsje: "De Nozem"
Laote veer ezzebleef ein aofspraak make: Tot veer allemaol beijein blieve en Roel d'n "opper" vaan deen daag is en aongief wienie veer motte vertrekke, um tot 't program nogal tied ge-boonde is. Nao aofloup vaan 't Konkours is 't officieel gedeilte vaan deen daag gedoon, meh missjien tot veer de luij nog 'ns get kinne laote huure! Weijer hoop iech tot veer es Ingele us belofte woer make en allemaol us uuterste bes doen um
- Op tied te komme
- Es gooje Flodder roond te loupe
- Us good begösjelle
- En väöl lol en plezeer höbbe, zoewie veer dat nog noets gehad höbbe !
Kompleminte, Roel Kochen, preses
